Ciclo- Ría: posta en valor do patrimonio e da cultura mariña
DEPORTE E TURISMO EXPERIENCIAL
Ciclo- Ría nace co o obxectivo de mellorar e ampliar a oferta de turismo activo e de experiencias do territorio, e con elo poñer en valor o patrimonio e recursos naturais vencellados ao mar, e dar a coñecer a nosa cultura.
Con esta actividade de cicloturismo auméntase a oferta de actividades de ocio sustentable e responsable co medio ambiente na zona. Ofrecendo a través de rutas en bicicleta un percorrido polo litoral.
Os servizos que se ofrecen son 3:
- Paseso de medio día, cunha duración de aproximadamente 4 horas e con opción a picnic.
- Rutas de día completo, cunha duración aproximada de 8 horas, con comida e bebida e furgoneta de apoio.
- Rutas a medida, nas que a clientela elixe a ruta e as características da mesma.
Voltamontana.com/
Coste do proxecto: 41.145,76 € Axuda pública: 14.942,14 € *Datos publicados pola Red Española de Grupos de Pesca
O Chasula- Aula Taller: a embarcación, o lugar para promocionar a cultura mariñeira
RECUPERACIÓN DAS TRADICIÓNS E PATRIMONIO
Proxecto empresarial que a través da recuperación e restauración da imaxe orixinal dunha embarcación, pretende recuperar os elementos patrimoniais marítimos. A embarcación O Chasula está disposta para o desenvolvemento de actividades innovadoras relacionadas coa promoción socio cultural das actividades do mar e da pesca artesanal, baixo a explotación sustentable.
O Chasula adáptase como aula- taller desenvolvéndose actividades relacionadas co turismo etnográfico, itinerarios marítimos, pesca deportiva e xornadas de degustación de peixes e mariscos da costa.
Tendo como base a sustentabilidade os seus promotores pretenden recuperar elementos patrimoniais marítimos. E para elo desenvolven actividades innovadoras relacionadas con la promoción socio cultural, actividades no mar e pesca artesanal.
intramar.org/rutasdelchasula
Coste do proxecto: Non hai datos Axuda pública: Non hai datos
After Surf: complexo turístico deportivo
ACTIVIDADES NÁUTICO - DEPORTIVAS
Co o obxectivo de tentar paliar a estacionalidade impúlsase un novo concepto de turismo cunha oferta de actividades vencelladas ao mar
No complexo turístico de After Surf ofrécense diferentes servizos como aloxamento, alimentación saudable, práctica do deporte, desfrute da natureza e lecer.
Pretendendo con esta oferta fusionar tres conceptos a hostalería, o deporte e o mar.
O que After Surf difunde é a integración dentro dun complexo turístico que ofrece tres actividades complementarias entre si. E que pretenden dar as maiores opcións posibles para a comodidade da clientela.
- Hostalería saudable: na que se ofrece produto do mar e de proximidade xunto a outras opcións.
- Pensión: para dar aloxamento tanto a aquelas persoas que participen en actividades organizadas pola empresa, como a persoas que veñan a desfrutar do emprazamento.
- Escola de deportes náuticos: adaptada a persoas con diversidade funcional e con espazos para realizar exercicios a beira do mar. A clientela pode elixir entre diferentes opcións de práctica deportiva sempre relacionada co mar como son a práctica de surf, o paddle surf e surf skate.
En todas as actividades que se desenvolven realízase divulgación e sensibilización para desfrutar do mar de forma sustentable, con información sobre o medio mariño as especies que nel viven e o coidado que merecen.
after.surf
Coste do proxecto: 510.896,25 € Axuda pública: 200.000 € *Datos publicados pola Red Española de Grupos de Pesca
Piragüilla: actividades de turismo mariñeiro e deporte de aventura
ACTIVIDADES NÁUTICO - DEPORTIVAS
Piragüilla nace do esforzo de dous promotores, Marta Iglesias e Arturo Paz, que emprenden esta idea no ano 2005 coa intención de diversificar o sector do marisqueo a pé, ao que se dedicaba un deles.
Marta e Arturo son deportistas que contan con formación en piragüismo e están comprometidos coa vida saudable. Estes dous emprendedores teñen a idea de aproximar o turismo activo ao deporte, o ocio e a aventura, e desta idea integradora nace Piragüilla.
Unha das súas ideas iniciais é a de achegar a turistas e escolares a forma da vida da xente do mar, para que non se perda a tradición e cultura mariñeira.
A premisa coa que comezan de achegar a cultura do mar as xentes a realizan a través de excursións en kaiak ás bateas da zona para ver o proceso do cultivo do mexillón, talleres de marisqueo, rutas en bici, snorkel, talleres de cociña, etc
Piragüilla é unha empresa especializada en turismo mariñeiro e deportes de aventura que promove, tendo como máxima a conservación do medio ambiente, que a xente se achegue á forma de vida que se vinculan ao mar.
Piragüilla e os seus promotores están en constante evolución, ofrecendo cada temporada novas experiencias a súa clientela, non descoidando por elo a calidade para que a clientela saia coas expectativas superadas. Por elo apostan pola innovación e ser diferentes ao resto, ofrecendo un turismo dixitalizado e coidadoso co medio ambiente. Un dos puntos diferenciais da empresa, é que ofrecen actividades no inverno e en calquera época do ano axudando a desestacionalizar o sector, como rutas en bicicleta ou as rutas en paddle.
piraguilla.com/
Coste do proxecto: Non hai datos Axuda pública: Non hai datos
Marmar Outdoor: actividades de turismo relacionadas co mar
ACTIVIDADES NÁUTICO - DEPORTIVAS
Os promotores desta empresa, deportistas dedicados a competición en carreiras de aventura e orientación, danse conta de que no seu territorio existe unha demanda relacionada co turismo que non está cuberta. Desta necesidade xurde esta idea que pretende cubrir un oco no sector do turismo activo, ofrecendo actividades de ocio relacionadas co mar e que conxugan natureza e deporte.
Entre as actividades que se ofrecen están: actividades náuticas de kaiak de mar, actividades de rutas de sendeirismo guiadas, eventos deportivos no medio natural e acuático, microeventos relacionados co mar e co kaiakismo, campamentos de verán. As diferentes actividades que se ofertan pretenden poñer en valor o litoral do territorio de A Reserva da Biosfera Mariñas Coruñesas e Terras do Mandeo.
O turismo activo que promove esta iniciativa é o que se decanta polo coñecemento do territorio costeiro, polo aproveitamento dos recursos patrimoniais que están vencellados ao mar e os que se relacionan co Camiño de Santiago.
Dentro da súa oferta tamén se atopan os plans de lecer con aloxamento, actividades deportivas, transporte as actividades, e actividades para poder facer en grupo.
É unha iniciativa novidosa dentro do territorio onde se implanta, xa que é moi escasa a oferta de empresas do sector turístico que ofrecen ese tipo de actividades.
Conta con páxina web na que se ofrece información de todas as actividades que desenvolve a empresa, e conta con tenda online na que se pode mercar produtos para actividades de orientación e roupa.
marmaroutdoor.es/
Coste do proxecto: 46.6177,60 € Axuda pública: 18.6471,03 € *Datos publicados pola Red Española de Grupos de Pesca
HQSeaweed- Capitán Alga: algas deshidratadas como superalimento
ALGAS COMESTIBLES
Sergio promotor deste proxecto ve na vida mariña das Rías Baixas unha oportunidade, concretamente nas súas algas. Deste xeito decide percorrer o mundo para investigar sobre as algas e o mar, e poder aproveitar este valioso produto potenciando o seu uso na cociña.
As algas teñen un valor engadido e son consideradas un superalimento. Dos produtos que son recollidos e posteriormente transformados destacan: wakame, leituga de mar, codium, kombu, espagueti de mar, trufa de mar e fucus.
O codium fresco trabállase case todo o ano, recolléndose cada semana, o resto do ano se ofrece en salazón. O produto máis traballado é o wakame en salazón e o kombu. Contan tamén cunha liña de produto conxelado, onde se pode atopar o espaguete de mar e a leituga de mar, o wkame e o kombu.
A empresa conta co seu propio plan de explotación, no cal se procedimenta que as algas son recollidas a man e procesadas nas instalacións da empresa, e que deben de ser algas de proximidade, é dicir a un máximo de 100 quilómetros de distancia da empresa.
No ano 2023 comezarán a cultivalas en “batea” a través de un sistema de boias con cordas.
HQSeaweed- Capitán Alga recolle, transforma e distribúe algas ecolóxicas comestibles de orixe galego a nivel nacional e internacional, xa que noutras culturas é un produto moi demandado.
capitanalga.es/
Coste do proxecto: 140.152,51€ Axuda pública: 32.010,91€ *Datos publicados pola Red Española de Grupos de Pesca
Algas La Patrona: as algas como recurso pesqueiro para emprender
ALGAS COMESTIBLES
Cristina patroa dun barco e muller dedicada ao mar e namorada del dende que veu os documentais de Jaques Cousteau, decide emprenderse na conserva de algas.
Poñendo o foco nun produto e actividade que ve como desaproveitada, a horticultura mariña, decide descubrir máis cousas sobre as algas e os beneficios que teñen para a saúde. E deste xeito pon todo o empeño para poder comercializalo e poñelo nas mans dos consumidores.
A preocupación pola saúde e o seu grande coñecemento pola mar, fanlle crear este proxecto no que cree e aposta. A emprendedora achega as cociñas un alimento que aporta múltiples beneficios.
A recolección, selección, supervisión, lavado, procesado e a posta en disposición do produto ao cliente, é realizado minuciosamente pola propia empresa.
algaslapatrona.com
Coste do proxecto: 58.799,68 € Axuda pública: 24.297,39 € *Datos publicados pola Red Española de Grupos de Pesca
Mamá Celia Sea Food
PEIXE E MARISCO TRANSFORMADO
Cunha longa experiencia na venta e tratamento de produto fresco, Mama Celia Seafood reinvéntase pensando nas novas tendencias de consumo, ofrecendo unha alternativa actual, sen perder a gran calidade do produto e cun alto valor nutricional. É dicir, un novo concepto de transformación e comercialización dos peixes e mariscos.
Neste proxecto mestúrase a idea dos take away e fast food nun só concepto. Así crean un modelo de negocio innovador que permite a degustación do produto da zona no local ou para levar. O formato de negocio fai accesible, para todos os públicos, produtos de primeira calidade. Presenta unha forma de levar o produto tradicional, local e de calidade aos públicos máis novos a partir dun formato familiar e de receitas atractivas e innovadoras. O servizo de atención é de 12:00 a 00:00 polo que se adapta a moitos estilos de vidas.
Trátase dun negocio comprometido e concienciado co medio ambiente. Ademais de apostar polos produtos locais da súa zona e empregan cubertos e envases biodegradables. Todos os seus produtos son artesanais e elaborados no propio local: empanadas, tempuras, perriños quentes, frituras de peixe.
mamaceliaseafood.com/
Coste do proxecto: 446.029,28 € Axuda pública: 194.154,13 € *Datos publicados pola Red Española de Grupos de Pesca
Peixes e Mariscos Nero: aproveitamento dos descartes
PATÉS ARTESANAIS
Iago con 26 anos e xa con 10 anos a bordo de diferentes barcos coma mariñeiro, agora é propietario da súa propia embarcación, María Piedad Dos na que sae todos os días pola ría de Muros e Noia procurando as mellores pezas de peixe e marisco e levalas a peixaría que rexenta.
Durante a pandemia e como pasou con outras actividades, veu mermada a súa actividade como consecuencia da baixada dos prezos do peixe e do marisco, momento no que comeza a pensar como pode salvar o negocio e saír reforzado.
Sabe que á semana ven tirando 50kg de descartes ou pezas con danos como o polbo con patas rotas e centolas que ían morrer. Este produto tendo a mesma calidade que o resto, non é apto para poñer a venta, e por elo este emprendedor decídese a ampliar o negocio da peixaría que rexenta introducindo unha nova liña de produtos, a elaboración de patés.
Os patés son elaborados de forma totalmente artesanal, comercializando os de polbo á galega, choco na súa tinta e de centola.
E ampliarase con outra variedade de patés como os de algas, de ourizos e de mexillóns.
Iago deste xeito consegue darlle saída aos produtos que captura e que teñen unha pronta caducidade ou non se poden poñer a venta. E observando a boa aceptación dos patés amplía o negocio e pon a venta albóndegas elaboradas con descartes de centola e de camarón.
facebook.com/peixesemariscosNERO/
Coste do proxecto: Non hai datos Axuda pública: Non hai datos
Mar de Silleiro: a transformación e conservación como alternativa
CONSERVAS ARTESAIS
A limitación que supoñía a comercialización do percebe exclusivamente fresco, viuse como nunha oportunidade se o percebe se trataba e transformaba para ofrecelo en conserva.
27 percebelleiros/as, únense para atopar unha alternativa que complemente a súa actividade de extracción do percebe, conseguíndoa coa transformación e a conservación deste produto.
Así, unido a comercialización do percebe fresco, crean novos produtos derivados: percebe natural enlatado con e sen uña, paté de percebe con e sen algas mariñas.
Para a elaboración destas novas liñas de produto fan uso do percebe de menor valor comercial, como son aqueles de menor tamaño e que comercialmente son menos demandados ou non teñen saída.
Xunto ao percebe ven outra alternativa no ourizo de mar, ampliando con este recurso a liña de produtos introducindo: ovas de ourizo ao natural, paté de ourizo e paté de ourizo con percebe.
Coste do proxecto: 131.667 € Axuda pública: 30.726,19 € *Datos publicados pola Red Española de Grupos de Pesca